Xitoydagi qariyalar uyida chiqqan yong‘in 7 kishining hayotiga zomin bo‘ldi

Xitoyning Tszilin provinsiyasidagi qariyalar uyida chiqqan yong‘in natijasida kamida yetti kishi halok bo‘ldi. Bu haqida 4 yanvar, chorshanba kuni Xitoy markaziy televideniyesi (CCTV) xabar berdi. 

Favqulodda hodisa Tunxua shahar okrugining Xueynan uyezdida taxminan tonggi soat 4:30larda sodir bo‘ldi. Yong‘inni o‘chirishga muvaffaq bo‘lindi. 

Manbaga ko‘ra, yong‘in ko‘tarilgan vaqtda bino ichida 39 nafar kishi bo‘lgan. Qutqaruvchilar va o‘t o‘chiruvchilar 32 nafar kishining hayotini saqlab qolishgan. 

Yong‘in sababi hozircha noma'lum. Ro‘y bergan hodisa yuzasidan tergov ishlari olib borilmoqda.