Xalq banki Yagona interaktiv davlat xizmatlari portalida yangi xizmatni yo‘lga qo‘ydi

O‘zbekiston aksiyadorlik tijorat Xalq banki Yagona interaktiv davlat xizmatlari portali (YaIDXP)da fuqarolarning shaxsiy jamg‘arib boriladigan pensiya hisob varag‘i holati haqida ma'lumot olish xizmatini joriy qildi. Yangi interaktiv davlat xizmatining afzalligi shundaki, so‘ralgan ma'lumotni uzoq kutishga to‘g‘ri kelmaydi, chunki xizmat real vaqt rejimida taqdim etiladi.

Foydalanuvchilar ushbu xizmatdan Yagona portalda tunu-kun bepul tarzda foydalanishlari mumkin. Elektron ariza shaklini to‘ldirish jarayonida pasport va shaxsiy jamg‘arib boriladgan pensiya hisob varag‘i haqidagi ma'lumotlarni kiritish lozim.

Ushbu xizmatdan ERI kalitida shaxsiy identifikatsion raqami mavjud jismoniy shaxslar foydalanishlari mumkin.