O‘zbekiston bo‘ylab safar qilayotgan National Geographic uchun video hamda suratlar tayyorlab beruvchi jahonga mashhur fotosuratchi Jon Stenmayyer Instagram’dagi sahifasida g‘ayritabiiy videoni joylashtirdi.
Unda O‘zbekistonning Xiva shahridagi “nafas oluvchi” avtomobil tasvirlangan. Kadrda ustiga yopinchiq tashlangan avtomobil xuddi nafas olayotgandek tasavvur uyg‘otayotganini ko‘rish mumkin. Bu shamol aylanishi orqali ro‘y bergan.
Ma'lumot uchun, amerikalik Jon Stenmayyer 1964 yilda tavallud topgan bo‘lib, dunyoga mashhur fotosuratchi sanaladi. U 1999 yilda fotosuratchilar orasida eng nufuzli hisoblangan Robert Kapa sovrini bilan taqdirlangan.
