AQSh prezidenti Donald Tramp va Yaponiya bosh vaziri Sindzo Abe 7 mart ertalab telefon orqali muloqot qilishdi. Bu haqda Reuters axborot agentligi xabar bermoqda.
Yetakchilar jumladan Shimoliy Koreya tomondan 6 mart kuni o‘tkazilgan raketa sinovlarini muhokama qilishgan.
"Prezident Tramp AQSh Yaponiyani 100 foiz qo‘llab-quvvatlashini aytgan. U shuningdek bu pozitsiyani yaponiyalik fuqarolarga yetkazib qo‘yishni so‘ragan", deb aytdi Abe.
Avvalroq Shimoliy Koreya raketa parvozlarini AQShning Yaponiyadagi bazalariga zarba berishning mashq qilinishi deb atagandi.
