Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Ўзбекистон мусулмонлар идораси Ҳазрати Имом мажмуасини зиёрат қилиш тартиби бўйича хабарга аниқлик киритди
15:45 / 13.03.2017
12828

Ўзбекистон мусулмонлар идораси Ҳазрати Имом мажмуасига аёллар калта кийимда ва рўмолсиз кирмаслиги тавсия қилингани ҳақидаги хабарга муносабат билдириб, бундай маълумотни рад этди. 

Бундан олдинроқ  Ўзбекистон Туризмни ривожлантириш давлат қўмитаси ахборот хизмати Ўзбекистон мусулмонлар идораси ҳузуридаги Муқаддас қадамжоларни сақлаш ва обод этиш хайрия жамғармаси Ҳазрати Имом мажмуасини зиёрат қилиш тартибини ишлаб чиқарилгани ҳақида хабар берган, унга кўра мажмуа ҳудудига аёлларга калта либосларда ва бош кийимсиз кирмаслик тавсия этилганди.

Энди аниқлик киритилишича, бу мажмуа ҳудудидаги «Мўйи Муборак» мадрасаси — муқаддас Қуръони Карим жойлашган музейга аёллар бошини рўмол ёки шарф билан ўраган ҳолда кириши тавсия этилган. Зиёратчи аёллар ҳам бошига рўмол ёки шарф ташлаб олиши тавсия қилинади. Шунингдек, музей ҳудудида баланд овозда гапирмаслик, баҳслашмаслик, видео ёки фотога олмаслик сўралади.

Ҳазрати Имом мажмуаси ҳудудида эса чекиш, спиртли ичимликлар истеъмол қилиш, майсазорда юриш, гулларни узиш, скейтборд ва роликда учиш, велосипед ҳайдаш каби ҳаракатлар тақиқланади.

Музей сайёҳлик мавсумида — 1 мартдан 30 июнга қадар, шунингдек, 1 августдан 30 ноябргача шанба ва якшанба кунлари ҳам соат 9:00 дан 16:00 га қадар ишлайди. 


Улашинг
Top