Tramp Oq uydagi uchrashuvdan so‘ng Merkel bilan ko‘rishmadi

AQSh prezidenti Donald Tramp Oq uyda bo‘lib o‘tgan uchrashuvdan so‘nggi suratga tushish jarayonida Germaniya kansleri Angela Merkel bilan qayta ko‘rishmadi, deb yozmoqda Politico nashri.

Muzokaralardan so‘ng, ikki mamlakat yetakchilari Oval xonada fotosuratchilarga kirishga ruxsat berishdi. Jurnalistlar ulardan ko‘rishishni so‘rashdi, biroq Amerika rahbari iltimosga e'tibor bermadi. Merkel hamkasbiga biroz egilib, qayta ko‘rishishni so‘radi, ammo Tramp bu safar uning taklifini javobsiz qoldirdi. 

Ikki mamlakat rahbarlari muzokaralar avvalida, prezident Tramp Merkelni Oq uy qarshisida kutib olganida ko‘rishishgan edi. 

Qator OAV Tramp Oval xonadagi shovqinda Merkelning taklifini eshitmay qolgan bo‘lishi mumkinligini inkor etishmayapti. Ayrimlari u Germaniya kanslerining qo‘lini ushlashni "xohlamagan"i haqida yozmoqda. 

Aytish joizki, fevral oyida AQSh prezidentining Yaponiya bosh vaziri Sindzo Abe bilan shu kabi suratga tushish jarayonida buning aksi bo‘lgandi. O‘shanda Tramp Abening qo‘lini 20 soniyalar ushlab turgan edi.