Мэй 29 март куни Европа Иттифоқини Буюк Британиянинг унинг таркибидан чиқиши жараёни бошланишидан хабардор қилди.
Шимолий Ирландияда коалициявий ҳукуматни шакллантириш бўйича музокаралар 27 март куни барбод бўлди. Бунга протестантлар томонидан қўллаб-қувватланувчи Демократик юнионистик партия (ДЮП) ва католиклар томонидан қўллаб-қувватланувчи "Шинн фейн" партияси ўртасидаги келишмовчиликлар сабаб бўлган. 2 март кунидаги Шимолий Ирландиянинг ҳудудий қонунчилик Ассамблеясига сайловларда ДЮПдан Ассамблеяга 28 депутат, "Шинн фейн"дан эса 27 депутат ўтган.
14 март куни "Шинн фейн"нинг Шимолий Ирландиядаги етакчиси Мишель О'Нил Шимолий Ирландияда яқин орада мустақиллик ва Ирландияга қўшилиш бўйича референдум ўтказилиши кераклигини айтганди.
