Pentagon rahbari AQShning yadroviy salohiyatini tekshirishni buyurdi

Foto: TASS

Pentagon rahbari Jyeyms Mettis AQSh yadroviy salohiyatini baholashni o‘tkazishni buyurdi. Bu haqda Pentagon bayonotida aytilgan. Bayonotni ABC News telekanali jurnalisti tvitterda chop etdi.

"Bugun Mettis mudofaa vazirining birinchi o‘rinbosari va AQSh qurolli kuchlari shtablari boshliqlari qo‘mitasi raisi o‘rinbosari o‘tkazadigan baholashni boshlashga ko‘rsatma berdi", deyilgan xabarda.

Ma'lum qilinishicha, hisobot yil oxirigacha tayyor qilinib, AQSh prezidentiga taqdim qilinadi.

Avvalroq Shimoliy Koreyaning BMTdagi vakili AQSh tufayli istalgan vaqtda yadroviy urush boshlanishi mumkinligini aytgandi.