AQSh harbiy-havo kuchlari maxfiy samolyoti fazoda ikki yil bo‘lgach Yerga qaytdi

Fazoda salkam 2 yil bo‘lgan X-37B Orbital Test Vehicle-4 orbital sinov samolyoti maxfiy vazifani uddalab bo‘lgach, Kanaveral kosmodromiga qo‘ndi, deb xabar qilmoqda Amerika HHKning rasmiy Twitter sahifasi. 

"AQSh HHKning X-37B OTV-4 samolyoti orbitadan Kennedi Fazoviy markaziga muvaffaqiyatli qo‘ndi. X-37 fazoda 700 kundan ortiq bo‘ldi", — deyiladi xabarda. 

Avvalroq, Pentagon ma'muriyati X-37B OTV-4 negizida ionli dvigatel ishlab chiqarish va materiallarning fazo kengliklarida o‘zgarishi borasida tadqiqotlar o‘tkazish rejalashtirilgani haqida ma'lum qilgan edi. 

Shu bilan birga, Amerikaning mini shattli vazifalari to‘liq bayon qilinmagan. Ekspertlarga ko‘ra, qurilma fazoviy tutuvchi samolyot yoki ayg‘oqchi-samolyot namunasi bo‘lishi mumkinligini aytishmoqda. Yerga qaytgan OTV-4 X-37 loyihasi asosida ishlab chiqilgan 4-orbital laboratoriya bo‘ldi.