Маълум қилинишича, шундай ҳолатлардан бирида газ қўллангандан кейин аксилҳукумат намойиши иштирокчилари болалар ва кексалар учун мўлжалланган "Менинг уйим" приюти ичига беркиниб олишга уринишган. Гвардиячилар эса приют биносига кираверишни газли гранаталар билан ўққа тутишган. Натижада газдан приютдаги кўплаб болалар ва кексалар жабр кўрган.
ABC телеканалининг маълум қилишича, кўнгиллилар ва қутқарувчилар бинолардан одамларни шошилинч эвакуация қилишларига тўғри келган. Болалар қўлларда, касаллар ва қариялар аравачаларда олиб чиқилганлар.
Шунингдек, маълум қилинишича, 8 майда Каракасда ўтган намойишларда камида 116 киши жароҳат олган.
