O‘zbekistonda gidroenergetikani rivojlantirishga 2,65 mlrd dollar yo‘naltiriladi

O‘zbekistonda gidroenergetikani rivojlantirishga jalb etilayotgan xorijiy kreditlar hajmi 1 mlrd dollardan ko‘proqni tashkil etadi. Bu O‘zbekiston Prezidenti qarorida nazarda tutilgan (PDF).

Hujjat bilan O‘zbekistonda 2017-2021 yillarda gidroenergetikani rivojlantirish bo‘yicha chora-tadbirlar dasturi tasdiqlandi, u umumiy qiymati 2,65 mlrd dollar bo‘lgan 18 ta yangi gidroelektrostansiyani qurish va 14 tasini modernizatsiya qilishni nazarda tutgan.

Dasturni amalga oshirish orqali O‘zbekistondagi GESlar quvvati 2026 yilga kelib 1,7 barobarga oshadi - 3,038 MVt.gacha. 

Dastur O‘zbekistonning 1,64 mlrd dollarlik o‘z mablag‘lari va xalqaro hamda xorijiy moliya institutlarining 1,009 mlrd dollar miqdoridagi mablag‘lari hisobidan moliyalashtiriladi.

Xususan, dastur doirasida Xitoy Eksimbankidan 572,8 mln dollar, Islom taraqqiyot bankidan – 181,1 mln dollar, Osiyo infratuzilmaviy sarmoyalar bankidan – 77,3 mln dollar, Osiyo taraqqiyot bankidan – 98,4 mln dollarlik kreditlarni jalb etish rejalashtirilgan.

Dasturga taxminiy qiymati 1,7 mlrd dollar bo‘lgan 42 ta istiqbolli loyihalar ham kiritilgan. Ular gidroenergetika sohasida 2030 yilga qadar amalga oshiriladi.