Avstraliya tashqi ishlar vazirligi Shimoliy Koreya tomonidan qit'alararo ballistik raketaning uchirilishini qoraladi.
«Avstraliya mintaqada KXDR xatti-harakati va siyosati sabab paydo bo‘layotgan tahdidga kerakli javob bo‘lgan himoya choralari amalga oshirilayotganini qo‘llaydi. Mintaqada bosimning keskinlashishiga KXDR rejimi mas'uldir», - deyiladi Avstraliya TIV saytidagi bayonotda.
Shuningdek, Avstraliya Xitoyni KXDRga bosim ko‘rsatishga chaqirdi. Ma'lum qilinishicha, shu orqali Pxenyanni kelajakda shunday sinovni o‘tkazmaslikka ko‘ndirish mumkin ekan.
Avvalroq Yaponiya va AQSh KXDRga bosimni kuchaytirish niyatida ekani xabar berilgandi.
