1 avgustda Samarqand shahrida transport harakati vaqtincha cheklanadi

Samarqand shahridagi oliy ta'lim muassasalariga o‘qishga kirish uchun Davlat test sinovlari o‘tkazilishi munosabati bilan jamoat tartibini saqlash va yo‘l harakati xavfsizligini ta'minlash maqsadida shahardagi ayrim ko‘chalarda transport vositalari harakati vaqtincha cheklanadi. Bu haqda shahar hokimligining rasmiy veb-saytida ma'lum qilingan.

Samarqand shahar hokimi Vohid Rahimovning 21 iyuldagi farmoyishiga ko‘ra, 2017 yil 1 avgust kuni soat 06.00 dan 13.00 gacha shaharning quyidagi ko‘chalarida transport vositalari qatnovi vaqtincha taqiqlanadi:

- Amir Temur ko‘chasining Shoxruh Mirzo ko‘chasi bilan kesishgan chorrahasidan Bo‘stonsaroy ko‘chasi chorrahasigacha bo‘lgan qismida;

-  Universitet xiyoboni ko‘chasining Bo‘stonsaroy ko‘chasidan Orzu Mahmudov ko‘chasigacha bo‘lgan oraliq qismida (ikki tomonida);

- Shohrux ko‘chasining Amir Temur ko‘chasi bilan kesishgan chorrahasidan Universitet xiyoboni ko‘chasigacha bo‘lgan qismida;

- Bo‘stonsaroy ko‘chasining Amir Temur ko‘chasi bilan kesishgan chorrahasidan Universitet xiyoboni ko‘chasigacha bo‘lgan qismida;

- Ruhobod ko‘chasida hamda Registon ko‘chasining Dahbed ko‘chasi bilan kesishgan chorrahasidan Universitet xiyoboni ko‘chasigacha bo‘lgan qismida;

- Lolazor ko‘chasining Mirzo Ulug‘bek xiyobonidan Haymar ko‘chasigacha bo‘lgan qismida hamda Mirzo Ulug‘bek xiyoboni atrofida;

- Nodirabegim ko‘chasining Mirzo Ulug‘bek ko‘chasi bilan kesishgan chorrahasidan Tsiolkovskiy ko‘chasigacha hamda Buyuk Ipak yo‘li ko‘chasidan 14-sonli umumta'lim maktabidan keyingi 1-tor ko‘chagacha bo‘lgan qismida;

- Fitrat ko‘chasining Qadoqchilar ko‘chasi bilan kesishgan chorrahasidan Gagarin ko‘chasigacha bo‘lgan qismida;

- Ibn Sino ko‘chasining Dahbed ko‘chasi bilan kesishgan chorrahasidan Afrosiyob ko‘chasigacha bo‘lgan qismida (Bulvar-Aeroport yo‘nalishi bo‘yicha o‘ng tomon qatnov qismida);

- Dahbed ko‘chasining Rudakiy ko‘chasi bilan kesishgan chorrahasidan Ibn Sino ko‘chasigacha bo‘lgan qismida;

- Gagarin ko‘chasining Al-Xorazmiy ko‘chasi bilan kesishgan chorrahasidan Rudakiy ko‘chasigacha bo‘lgan qismida (kollej tomon);

- Al-Xorazmiy ko‘chasining 51-umumta'lim maktabi oldidan o‘tgan qismida;

- Farhod ko‘chasining Kiyev ko‘chasi bilan tutashmasidan Gagarin ko‘chasigacha bo‘lgan qismida;

- Paxtaobod ko‘chasining Farhod ko‘chasidan Olimpiya zaxiralari kollejigacha bo‘lgan qismida;

- Mirsaid Baraka ko‘chasining Bahodirxon Abdulg‘oziy ko‘chasi bilan kesishgan chorrahasidan Mirzo Ulug‘bek ko‘chasigacha bo‘lgan qismida;

- Mahmud Qoshg‘ariy ko‘chasining Amir Temur ko‘chasi bilan kesishgan chorrahasidan Mirzo Ulug‘bek ko‘chasigacha bo‘lgan qismida;

- Temur Malik ko‘chasining Mahmud Qoshg‘ariy ko‘chasidan Abdurahmon Jomiy ko‘chasigacha bo‘lgan qismida;

- Amir Temur ko‘chasining Isayeva ko‘chasi tutashmasidan Lutfiy ko‘chasigacha bo‘lgan qismida;

- Muqimiy va Xo‘ja Ahror Valiy ko‘chalarining G-34 yo‘lidan Termiz ko‘chasigacha bo‘lgan qismida;

- Abdulla Qahhor ko‘chasining Sadriddin Ayniy ko‘chasi bilan kesishgan chorrahasidan A.To‘qay ko‘chasigacha bo‘lgan qismida;

- Ali Qushchi ko‘chasidan 29-umumta'lim maktabining yoni bilan ko‘pqavatli turar-joy binolariga kiruvchi tor ko‘chada;

- 63-umumta'lim maktabiga asosiy kirish darvozasi oldidan o‘tadigan tor ko‘chada;

- «So‘g‘diyona» istirohat bog‘ining yoni bilan Narpay ko‘chasidan 64-umumta'lim maktabiga kiruvchi tor ko‘chada;

- Ali Qushchi ko‘chasining Samarqand tibbiyot kolleji oldidan o‘tgan qismida;

- Cho‘lpon va Obiddinov ko‘chalarining 18-umumta'lim maktabi oldidan o‘tgan qismida;

- Ibn Xoldun ko‘chasining 48-umumta'lim maktabi hamda Temir yo‘l kolleji oldidan o‘tgan qismida;

- Samiboyev ko‘chasining 52-umumta'lim maktabi oldidan o‘tgan qismida;

- Termiz ko‘chasining 22-umumta'lim maktabi oldidan o‘tgan qismida;

- Amirshohmurod ko‘chasining Panjakent ko‘chasi bilan kesishgan chorrahasidan Abdug‘affor Haqqulov ko‘chasigacha bo‘lgan qismida (5-umumta'lim maktabi oldidan o‘tgan qismida);

- Nor Yoqubov ko‘chasining 9-umumta'lim maktabi oldidan o‘tgan qismida;

- Bag‘dod ko‘chasining 42-umumta'lim maktabi oldidan o‘tgan qismida;

- Sartepa maskanida joylashgan 55-umumta'lim maktabi oldidan o‘tgan ko‘chada;

- Turkiston ko‘chasining SamISI 2-son akademik litseyi binosi oldidan o‘tgan qismida;

- Usta U.Jo‘raqulov ko‘chasining Samarqand ijtimoiy-iqtisodiyot kolleji oldidan o‘tgan qismida.