AQSh BMTni Parij kelishuvidan chiqishi haqida rasman xabardor etdi

AQSh Davlat departamenti BMTni mamlakat Parij iqlim kelishuvidan chiqish niyatida ekani haqida rasman xabardor etdi. Bu haqda idora saytida ma'lumot berildi.

Biroq, AQSh prezidenti Donald Tramp avvalroq Parij iqlim kelishuviga keyinchalik qaytishi mumkinligini ma'lum qilgandi.

«1 iyun kuni prezident ma'lum qilganidek, u Parij kelishuviga qaytishi mumkin. Bu AQSh o‘z biznesi, ishchilari, xalqi va soliq to‘lovchilari uchun qulay bo‘lgan sharoitlarni ko‘rsa, ro‘y beradi», - deyiladi Davlat departamenti xabarida.

Shuningdek, qo‘shimcha qilinishicha, AQSh iqlim o‘zgarishi muammosiga aloqador bo‘lgan xalqaro anjumanlar va muhokamalarda bundan keyin ham ishtirok etadi.