12:42 / 18.08.2017
13069

Xalq ta'limi vaziri: Uzoq yillar davomida maktabgacha ta'lim tizimi ancha chetda qolib ketgan edi 

Foto: Kun.uz

Kun.uz tahririyati O‘zbekiston Xalq ta'limi vaziri Ulug‘bek Inoyatov bilan ochiq muloqot o‘tkazdi. Vazirning tahririyat jurnalisti bilan suhbatda aytishicha, Prezident Shavkat Mirziyoyev bilan 16 avgust kuni bo‘lib o‘tgan uchrashuvda vazirlikning yangi o‘quv yiliga tayyorgarlik holati tanqidiy tahlil qilingan, oldindagi vazifalar belgilab berilgan.

“Uzoq yillar davomida maktabgacha ta'lim tizimi ancha chetdan qolib ketgan edi. Buni ochiq aytishimiz kerak, xalqimiz buni juda ham yaxshi biladi. Mustaqillikka erishgunimizcha bo‘lgan davrda 10 mingdan ortiq MTM faoliyat yuritgan bo‘lsa, bugungi kunga kelib ularning soni qariyb 5 mingga yaqin qoldi. O‘tish davrida juda ko‘plab maktabgacha ta'lim muassasalarining yopilib ketganligi, bolalarni maktabga sifatli tayyorlash ishlarining tushib ketganligi bu pirovard natijada ta'lim sifatining, bilim saviyasining tushib ketishiga olib kelganligini bizga yana bir bor uqtirdilar. Bizda bugungi kunda bolalarni maktabgacha ta'lim muassasiga qamrab olish ko‘rsatkichi juda past darajada ekanligini aytishimiz mumkin. Bu ko‘rsatkich bor-yo‘g‘i 29 foizni tashkil etadi. Bu yerda muhim ahamiyat kasb etadigan narsa – bu 5-6 yoshdagi bolalarni qamrovini oshirish”, - deydi vazir.

Uning aytishicha, davlat rahbari tomonidan qabul qilingan “Maktabgacha ta'lim tizimini rivojlantirish dasturi”ga ko‘ra, mavjud maktabgacha ta'lim muassasalarini ta'mirlash, shuningdek, ehtiyoj juda baland bo‘lgan joylarda yangi MTMlarni qurish belgilab qo‘yilgan. Dasturga muvofiq. 2200 ta maktabga ta'lim muassasasining moddiy-texnik bazasini yaxshilash uchun davlat byudjyetlaridan qariyb 2,2 trln so‘m ajratiladi.

Ma'lumot uchun, Xalq ta'limi vaziri Ulug‘bek Inoyatov bilan ochiq muloqotning to‘liq shakli tez orada saytda taqdim etiladi. 

Top