Hakerlar «Barselona» sahifalariga buzib kirib, top-transfer haqida e'lon qilishdi

22 avgust kuni «Barselona» tvitterida «PSJ» yarimhimoyachisi Anxel Di Mariya transferi haqida e'lon qilindi.

Biroq, bir necha daqiqa o‘tgach, bu tvitni inkor qiluvchi boshqa xabar paydo bo‘ldi. Unga ko‘ra, tvitter sahifasi hakerlar hujumiga uchragan va Di Mariya transferi haqidagi yolg‘on xabar ular tomonidan kiritilgani ma'lum bo‘ldi.

Qayd etish kerakki, bundan avvalroq, Koutino transferi amalga oshmagan taqdirda Di Mariya «Barselona»ga o‘tishi, buni jamoa yetakchisi Lionel Messi istayotgani xabar qilingandi.