BRIKS yetakchilari KXDRning yadro sinovini qat'iy qoralab chiqishdi

BRIKS davlatlari sammiti davomida ishtirokchi mamlakatlar yetakchilari KXDR rahbariyati tomonidan yadro sinovi o‘tkazilganini qat'iy qoralab chiqishdi, deb xabar bermoqda RIA «Novosti».

«Biz KXDR tomonidan o‘tkazilgan yadro sinovini qat'iy qoralaymiz», - deyiladi birlashma davlatlari rahbarlarining Syamen deklaratsiyasida.

Shuningdek ta'kidlanishicha, yetakchilar «Koreya yarim orolida uzoq vaqt davomida saqlanib turgan yadro muammosi bilan bog‘liq keskinlik pasaymaganidan» chuqur tashvishda ekanliklarini bildirishgan. Qayd etilishicha, u faqatgina tinch vositalar va barcha manfaatdor tomonlarning muloqoti orqali hal qilinishi mumkin.

Avvalroq Janubiy Koreya va Yaponiya yetakchilari KXDRdan tashvishda ekani xabar qilingandi.