Pavel Ergashev Mudofaa vazirining o‘rinbosari vazifasini bajaruvchi - Janubi-G‘arbiy maxsus harbiy okrug qo‘shinlari qo‘mondoni lavozimiga tayinlandi. Bu haqda prezident rasmiy sayti xabar berdi.
“O‘zbekiston Respublikasi Prezidentining 2017 yil 4 sentabrdagi PQ-3251-son qaroriga muvofiq Pavel Ismailovich Ergashev Mudofaa vazirining o‘rinbosari vazifasini bajaruvchi - Janubi-G‘arbiy maxsus harbiy okrug qo‘shinlari qo‘mondoni lavozimiga tayinlandi”, - deyiladi xabarda.
Kecha Qobul Berdiyev Mudofaa vazirligidan ketgani, bu vazirlikni sobiq Ichki ishlar vaziri Abdusalom Azizov boshqarishi xabar berilgandi.
