Foto: Getty Images
«Real» futbol klubi bosh murabbiyi Zayniddin Zidan o‘z murabbiylik uslubi haqida gapirib o‘tdi, shuningdek, professional futbol bo‘lmaganda, hayotda nima bilan shug‘ullanishi mumkinligi haqida hazil qildi.
«Mening murabbiylik uslubim haqida gapiradigan bo‘lsak, jamoam yaxshi futbol o‘ynashini xohlayman. Sababi mening qo‘l ostimda ajoyib futbolchilar bor. Maydonda to‘pni nazorat qilish va unga raqibdan ko‘ra ko‘proq egalik qilishni istaymiz. Hattoki «Barselona»ga qarshi o‘yinlarda ham.
Mening kuchli va kuchsiz tomonlarimga to‘xtaladigan bo‘lsak, men sabrliman, biroq, shu bilan birga, juda g‘alati yigitman.
Professional futbol bo‘lmaganida kim bo‘lardim? Haydovchi-kurer», - deya Zidanning so‘zlarini keltiradi AS beIN Sport efiriga asosan.
