Qurollangan Suriya muxolifati Ostonadagi muzokaralarda qatnashadi

Qurollangan Suriya muxolifati vakillari Ostonadagi muzokaralarning oltinchi bosqichida ishtirok etadi. Bu haqda RIA «Novosti» Qozog‘iston TIV rahbari Qayrat Abdrahmanovga asosan xabar qilmoqda.

«Qozog‘iston konsullik muassasasiga qurollangan Suriya muxolifati kirish vizalarini so‘rab, rasman murojaat qildi. Bu esa qurollangan Suriya muxolifati navbatdagi bosqichda faol ishtirok etishini anglatadi», - degan Abdrahmanov.

Bundan tashqari, uning xabar berishicha, Iordaniya muzokaralarda kuzatuvchi sifatida qatnashadi. Mamlakatdan yuqori mansabli diplomatlar ishtirok etadi.

Avvalroq Fransiya TIV rahbari Suriyada Asad bilan tinchlikka erishish mumkin emasligi haqida ma'lum qilgandi.