Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
АҚШ КХДР туфайли Россия ва Хитойга баёнот билан чиқди
09:43 / 15.09.2017
15237
Фото: Reuters

АҚШ давлат котиби Рекс Тиллерсон Россия ва Хитойни КХДР ракета синовларига муросасизлик билан муносабатда бўлишга чақирди. Бу ҳақда Reuters хабар бермоқда.

«Хитой ва Россия ўз томонидан тўғридан-тўғри ҳаракатларни қабул қилиш орқали, бу ақлсиз синовларга муросасиз позицияда эканликларини кўрсатишлари лозим», - деган давлат котиби.

Тиллерсоннинг баёнотида айтилишича, «Хитой КХДР учун нефть етказиб берувчи асосий давлат, Россия эса – шимолий кореялик фуқаролар мажбурий меҳнатидан фойдаланувчи энг йирик иш берувчидир».

Аввалроқ Шимолий Корея Тинч океани томон ракета учиргани хабар берилди. Шундан сўнг Жанубий Корея КХДР ҳаракатига жавобан дарҳол ўз баллистик ракетасини учирди. Бироз ўтиб эса КХДР ракетаси қанча масофани учиб ўтгани ва қандай баландликка кўтарилгани маълум бўлди.


Улашинг
Top