Venesuela bosh prokuroriga o‘ldirish bilan tahdid qilishdi

Venesuela bosh prokurori Tarek Vilyam Saabning ma'lum qilishicha, korrupsiyaga qarshi tergovlar boshlanganidan so‘ng, unga o‘ldirish bilan tahdid qilishgan. Bu haqda El Nacional xabar bermoqda.

«Men bir televizion dastur efiridan chiqqanimdan so‘ng, noma'lum shaxs qo‘ng‘iroq qildi. Menga tahdid qilib: «Faja’ga tegishli tergovni davom ettiradigan bo‘lsang, o‘lik mushuk kabi holatga tushasan» dedi» , - degan bosh prokuror.

Faja – Venesueladagi noan'anaviy neft konlarining eng yirigi – Orinoko neftga ega qumlaridir.

Saabning ta'kidlashicha, Faja konini o‘zlashtirish uchun 2010-2017 yillar davomida 41 mingdan ortiq shartnomalar imzolangan bo‘lib, ularning 10 tasidayoq 200 mln dollarlik o‘g‘irlik holati aniqlangan.