Dunyoda yangi yadroviy davlatlar paydo bo‘lmasligi kerak – Xitoy tashqi ishlar vaziri

Sayyorada yangi yadroviy qurolga ega mamlakatlar bo‘lmasligi kerak, deb hisoblamoqda XXR tashqi ishlar vaziri Van I.

"Ayni vaqtda bizga avvalgidan ham keng qamrovli bo‘lgan yadrosizlanish kerak. Koreya yarim orolning shimoli yoki janubida, yo bo‘lmasa, Shimoli-Sharqiy Osiyo yoxud dunyoning istalgan burchagida bo‘lishi muhim emas. Bu sayyorada yangi yadroviy davlat paydo bo‘lmasligi kerak", — degan Van I BMT Bosh Assambleyasida ma'ruza qilar ekan. 

Xitoy vaziri yana bir karra KXDRni ushbu "xavfli" yo‘lda davom etmaslikka chaqirar ekan, AQShni KXDRga bergan va'dasida turishga undadi. U, shuningdek, Koreya yarim orolida keskinlikni yumshatishga chaqirdi.