Saudiya Arabistoni qiroli Moskvaga boradi

Saudiya Arabistoni qiroli Salmon bin Abdulaziz Ol Saud 4-7 oktabr kunlari Rossiya poytaxti Moskvada bo‘ladi. Bu haqda Ria Novosti xabar tarqatdi.

Saudiya qiroli Moskvada Rossiya prezidenti Vladimir Putin bilan uchrashadi. Bu uchrashuvda tomonlar qator hujjatlarni imzolashadi.

Rossiya prezidenti matbuot xizmati ham ayni vaqtda tashrifga tayyorgarlik ko‘rilayotganini tasdiqlagan.

Saudiya Arabistoni TIV rahbari Odil al-Jubayr bu tashrifni tarixiy deb atagan. Ammo u tashrifning aniq sanasini ayta olmagan.