Fikrlar qutichasi sud tizimi ishini o‘zgartira oladimi?

Farg‘onada fuqarolarga yana qulaylik tug‘dirish, ularning fikr va takliflarini inobatga olish maqsadida sud binolarida “Fikr-mulohazalar qutisi” tashkil etildi.

Jinoyat ishlari bo‘yicha Marg‘ilon shahar sudi hamda Marg‘ilon shahar Ma'muriy sudlari binolarida o‘rnatilgan fikr mulohazlar qutisi O‘zbekiston Respublikasi sudyalar oliy Kengashi, jinoyat hamda ma'muriy ishlar bo‘yicha Marg‘ilon shahar sudi mutasaddilari, Xalq qabulxonasi shahar bo‘limi mudiri, shuningdek, jamoatchilik vakillari ishtirokida muhrlandi. Endilikda fuqarolar o‘z taklif va mulohazalarini aynan shu qutilarga joylashlari va sud huquq tizimga o‘z fikrlarini bayon etishlari mumkin.

Endilikda mazkur qutilar har oyda bir marotaba O‘zbekiston Respublikasi Prezidenti devonining Fuqarolar huquqlarini himoya qilish, jismoniy va yuridik shaxslarning murojatlari bilan ishlashni nazorat qilish va muvofiqlashtirish xizmati va Sudyalar oliy Kengashi vakillari ishtirokida ochiladi hamda fuqarolarning fikr-mulohazalari har tomonlama o‘rganiladi.