Asad Suriya konstitutsiyasiga tuzatishlar kiritilishi mumkinligini aytdi

Suriya prezidenti Bashar Asad 26 oktabrda Suriya armiyasi va ittifoqdoshlarining terrorchilar bilan kurashdagi muvaffaqiyatlari mamlakatdagi vaziyatni tartibga solish bo‘yicha siyosiy sa'y-harakatlarga sekin-asta asos tayyorlashini aytdi.    

Asad shu sababli Damashq konstitutsiyaga yangi tuzatmalar ishlab chiqilgungacha va parlamentga yangi saylovlar o‘tkazilgungacha "milliy yarashuv va Suriyada milliy muloqot kongressi vositasida barcha tomonlar o‘rtasida muloqot"dan iborat siyosiy sa'y-harakatlarni qo‘llab-quvvatlashga tayyorligini" ta'kidlab o‘tdi.  2016 yil Asad Suriyada siyosiy o‘tish amaldagi konstitutsiya bilan o‘tishi kerakligini aytgandi.

Avvalroq Rossiya prezidenti Vladimir Putin Suriyadagi barcha milliy va diniy guruhlar, hukumat va muxolifat ishtirokida Suriya xalqlari kongressi o‘tkazilishi g‘oyasini bildirgandi.

Asad, shuningdek 26 oktabrda Rossiya prezidentining Suriyadagi vaziyatni tartibga solish bo‘yicha maxsus vakili boshchiligidagi delegatsiya bilan uchrashdi.

Asad matbuot xizmati ma'lumotlariga ko‘ra, tomonlar Suriya hukumat kuchlari va uning ittifoqdoshlarining terrorchilar ustidan g‘alabasi va Suriya bo‘yicha Ostonada 30-31 oktabrda o‘tkazilishi rejalashtirilgan muzokaralarning navbatdagi raundiga tayyorgarlik, bu muzokaralarda muhokama qilinadigan mavzularni muhokama qilishdi.