Sobiq ota-bola prezidentlar amaldagisini tanqid qilishdi

AQShda tarixchi Mark Apdegrouvning sobiq prezidentlar Katta Jorj Bush va Kichik Jorj Bushga bag‘ishlangan “Oxirgi respublikachilar” (The Last Republicans) kitobi nashr etilishga tayyorlanmoqda. 

The Hill nashrining ma'lumotlariga ko‘ra, bu kitobda katta Bush AQShning amaldagi  prezidenti Donald Tramp haqida salbiy fikrlar bildirgan va uni maqtanchoq deb atagan.    

“U menga yoqmaydi. Men u haqda ko‘p narsa bilmayman, biroq u maqtanchoq. Men u yetakchi ekanligidan uncha ham xursandmasman”, deb aytgan 2016 yil mayida Bush kitob muallifiga.

Bushning fikricha, Tramp mamlakatni jipslashtirishi mumkin edi, biroq buning uchun undan kamtarinlik talab qilingan bo‘lardi, biroq bu Tramp uchun murakkablik qiladi. 

Kichik Bushning aytishicha, u “prezident bo‘lish nimaligini bilmaydigan” Trampning g‘alaba qozonishini umuman kutmagan.