Shimoliy Yevropa davlatlari havo kengligini monitoring qilish bo‘yicha kelishuv imzolashdi

Shimoliy Yevropa davlatlarning mudofaa vazirlari Helsinkida bo‘lib o‘tgan yig‘ilish doirasida tinchlik davrida mintaqaning havo kengliklarini monitoring qilish bo‘yicha kelishuvni imzoladilar. Bu haqda Yle xabar bermoqda.

Ta'kidlanishicha, vazirlar Boltiqbo‘yi mintaqasida xavfsizlik bilan bog‘liq vaziyat, xalqaro amaliyotlarda hamkorlik va umumiy harbiy mashg‘ulotlar tashkil etish masalalarini ham muhokama qildilar.

Kutilishicha, 7 noyabr, seshanba kuni Shimoliy Yevropa mudofaa vazirlari yig‘ilishida Pentagon rahbari Jyeyms Mettis ishtirok etadi.

Avvalroq Finlyandiya Rossiya harbiy faolligi tufayli AQSh bilan qo‘shma mashqlar o‘tkazishi xabar berilgandi.