10 noyabrdan boşlab Filippin poytaxti Manilada Janubi-Şarqiy Osiyo davlatlari assotsiatsiyasi (ASeAN) sammiti bölib ötmoqda. Bu sammitda şuningdek Rossiya boş vaziri Dmitriy Medvedev ham iştirok etmoqda.
13 noyabrda ASeANga kiruvçi davlatlar rahbarlari an'anaviy jamoaviy suratga tuşişdi. ASeAN an'anasiga köra, birdamlikni namoyiş qiliş maqsadida rahbarlar qöllarini çaliştirgança bir-birlarini qöllarini uşlab, göyoki bir zanjirni hosil qilgandek suratga tuşişadi. Biroq Medvedev buning uddasidan çiqolmay, qöllarini keng yoygança suratga tuşdi.
E'tiborlisi, 2010 yil oktabrda ötgan ASeAN — Rossiya sammitida öşa kezlarda prezident bölgan Medvedev xuddi şunday tarzda qolganlardan “ajralib” suratga tuşgandi.
Bunday “özgaçalikni” hattoki Vladimir Putin ham öziga ijozat bermagandi. U ilk ASeAN–Rossiya sammitida hamma qatori qöllarini çaliştirgança suratga tuşgan.
2016 yilda Soçida ötgan ASeAN-Rossiya sammitida Rossiya mudofaa vaziri Sergey Şoygu ASeAN böyiça hamkasblari bilan birgalikdagi suratda bu vazifani uddalay olgandi. Biroq Putin iştirokidagi fotosessiyada bunday surat olinmagan.
