Yaman poytaxti Sano va shu nomdagi viloyatning markazi Al-Bayda shaharlari mamlakatda toza suv bo‘lmagan aholi punktlari qatoridan o‘rin oldi. Bu haqda 20 noyabrda Xalqaro Qizil xoch qo‘mitasi vakili Iolanda Jakme ma'lum qildi.
“Bugun Sano va Al-Bayda toza suv bo‘lmagan aholi punktlari ro‘yxatiga qo‘shildilar”, deb aytgan Jakme. Aholiga toza suv yetkazib beruvchi suv quvurlari nasos stansiyalari uchun Saudiya Arabistoni Yamanni qamal qilgani oqibatida yoqilg‘i yo‘qligi sababli to‘xtab qolgan.
Yamanning yirik shaharlarida 2,5 mln dan ko‘proq odam toza suvdan mahrum bo‘lgan. 17 noyabrda Yamanning uch shahri – Saad, Taiz va Xudoydo aholisi toza suvdan mahrum bo‘lganlari ma'lum qilingandi.
Yirik shaharlarda suv quvurlari va kanalizatsiyaning ishlamasligi vabo va dizenteriya kabi kasalliklar tarqalishi xavfini vujudga keltiradi. Yamanda hozirda vaboga chalinganlikda gumon qilinayotganlar soni 925 ming kishiga yetgan, bu kasallikdan vafot etganlar soni 2,2 ming kishidan oshib ketgan.
