Bryus Li nafaqat jangovar san'atlarning eng buyuk ustalaridan, balki aqlli, dono inson ham bo‘lgan. U tomonidan o‘zining uslubi - Jit Kun Do uchun ishlab chiqilgan asosiy prinsiplarni oddiy hayotda ham qo‘llash mumkin. Biz esa mashhur jangchining hayot maktabidagi yaxshi dars bo‘lishi mumkin bo‘lgan o‘gitlari haqida to‘xtalib o‘tamiz.
Chegaralardan chiqish
«Agarda siz jismoniy ish bilan shug‘ullangan holda, narsalarning asl mohiyatini tushunishga cheklov qo‘ysangiz, unda hech qachon kattaroq yutuqqa erisha olmaysiz». Albatta, buyuk jangchi bu gapni biznes-treninglar emas, balki mashg‘ulotlarga kelgan o‘z o‘quvchilariga aytgan. Ammo, u faol insonning ish holatini yaxshi ko‘rsatib berishi mumkin: o‘ziga chegara qo‘yish kabi g‘oyadan ahmoqroq narsa yo‘q.
Ko‘plar xavfsiz tuyuladigan suv ortida tahdidlarni ko‘rib shu ishni qiladi. Bu aylanib turuvchi jarayonda hech qachon rivojlanish bo‘lmaydi – faqat doimiy, sekin, biroq ortga qaytarib bo‘lmas tanazzul, u oldinga istalgan harakat uchun falokatli.
Erishib bo‘lmas maqsad
Bryus Liga ko‘ra, maqsad – bu inson erishishi mumkin bo‘lgan yakuniy nuqta emas. Ko‘p holatlarda, bu harakatlanish jarayonining o‘zi. Yo‘l, yo‘nalish maqsadning o‘zi. Ko‘p odamlar bu prinsipni tushunmay, uzoq vaqt davomida yaratib kelingan imperiyalarni, qandaydir o‘ylab topilgan nuqtaga yetib buzib tashlaydilar.
Siz hattoki butun sayyorani egallab olgan bo‘lsangiz ham, oldinga qarab harakatlaning. Koinot cheksiz.
Ta'lim
«Faqat ishlaydigan narsalardan foydalaning. Ustalardan o‘rganing». Yangi narsani qabul qilishga ochiqlik – nafaqat sportdagi muvaffaqiyatlar, balki hayotdagi ham poydevor toshdir. Sizga o‘z ishingizda hamma narsani bilib bo‘lganingiz tuyulishi bilan – keyingi o‘qituvchini izlashni boshlang. Hayot o‘zini o‘zi doimiy ravishda takomillashtirib bormasa, juda qattiq hamda siz baribir aqlliroq raqibga duch kelasiz.
