«U Yaqin Sharqning yangi Gitleri»

Saudiya Arabistoni taxti valiahdi, shahzoda Muhammad ibn Salmon Ol Saud The New York Times nashriga bergan intervyusida Eron oliy rahbari oyatulloh Ali Ali Xominaiyni «Yaqin Sharqning yangi Gitleri» deb atadi.

«Eron diniy rahnamosi — bu Yaqin Sharqning Gitleri», — degan u.

Uning so‘zlariga ko‘ra, dunyo Yevropa misolida tajovvuzkorona siyosat hech narsaga erishmasligiga guvoh bo‘lgan.

«Biz Erondagi yangi Gitler Yaqin Sharqda ham Yevropada o‘tmishda sodir bo‘lgan voqealarni takrorlashini istamaymiz», — deya qo‘shimcha qilgan shahzoda.

Bundan avvalroq Saudiya Arabistoni TIV rahbari Odil al-Jubayr ma'lum qilgandiki, qirollik «Eronning dushmanona harakatlari»ga jim qarab turmaydi.