KXDRning Los-Anjyelesga ehtimoliy yadro zarbasi oqibatlari hisoblab chiqildi

National Interest nashri maxsus algoritm yordamida KXDRning Los-Anjyelesga yadro zarbasi tufayli qanday qurbonlar bo‘lishi mumkin ekanini hisoblab chiqdi.

Tahlil uchun AQShning Stivens texnologiyalar instituti professori tomonidan ishlab chiqilgan dastur ishlatildi. Jurnalistlar ehtimoliy bomba quvvatini 250 kilotonna sifatida ko‘rsatishgan.

Bunday bombaning portlashi oqibatida shaharning markaziy qismi butunlay vayron bo‘ladi, uning markazidan bir necha kilometrda joylashgan kishilar esa kuchli kuyish jarohatlarini olishadi hamda binolar vayronalari ostida qolishlari mumkin.

Algoritm ma'lumotlariga ko‘ra, hammasi bo‘lib 378 ming kishi halok bo‘ladi, yana 860 ming inson jarohat oladi.

Avvalroq KXDR Janubiy Koreya bilan vaqtinchalik sulh haqidagi kelishuvni buzgani ma'lum qilingandi.