O‘zbekiston hamda BMT Giyohvandlik va jinoyatchilik bo‘yicha boshqarmasi hamkorlik to‘g‘risida bayonot imzoladi

O‘zbekiston va BMTning Giyohvandlik hamda jinoyatchilik bo‘yicha boshqarmasi 2018-2019 yillarda hamkorlikni yanada rivojlantirish tarafdorliklari bo‘yicha qo‘shma bayonotni imzoladi.

Hujjat O‘zbekiston Tashqi ishlar vazirligi delegatsiyasining 7-8 dekabr kunlari Vena shahrida Yevropada Xavfsizlik va hamkorlik bo‘yicha tashkilot ishtirokchi davlatlari tashqi ishlar vazirlari Kengashining 24-yig‘ilishi doirasida imzolandi. Bu haqda O‘zbekiston tashqi siyosat idorasi axborot xizmati xabar bergan.

Ishtirokchi davlatlar va hamkor mamlakatlar tashqi siyosiy idoralari rahbarlari mintaqaviy xavfsizlik, yangi chaqiriqlar va tahdidlar bilan kurashda, jumladan noqonuniy narkotrafikka qarshi turishda tashkilot salohiyatini mustahkamlash bilan bog‘liq dolzarb masalalarni muhokama qilishdi.