Isroil armiyasi HAMAS harbiy postlariga hujum qildi

Isroil qo‘shinlari HAMASning G‘azo sektoridagi pozitsiyalariga hujum qildi, bu ushbu hududdan Isroil tomonga qarata raketa uchirilganidan so‘ng yuz bergan. Bu haqda Isroil armiyasi matbuot xizmati xabar bermoqda, deb yozadi RIA «Novosti».

«Isroilga qarata uchirilgan raketaga javoban, tank va aviatsiya HAMASning G‘azo sektori shimoliy qismidagi harbiy postlariga hujum qildi», - deya xabar berishgan armiyadan.

Avvalroq Isroil havo hujumiga qarshi mudofaa tizimi G‘azo sektoridan 12 dekabrga o‘tar tunda uchirilgan raketani tutib olgani xabar berilgandi.