Suriyada IŞID terrorçilik guruhi safida jang qilgan jangarilar Afğoniston şimolidagi ekstremistik guruhga qöşilişdi, deb xabar bermoqda AFP axborot agentligi.
Afğoniston şimoliy viloyatlarida paydo bölgan jangarilar orasida Jazoir, Fransiya, Tojikiston, Özbekiston va Kavkazdan bölgan şaxslar borligi aytiladi.
Agentlik ma'lumotlariga köra, jangarilar Turkmaniston bilan çegaradagi Juzjon şimoliy viloyatining Darzob uyezdida payqalgan.
Afğonistonning Juzjon şimoliy viloyatidagi Darzob uyezdi rahbari Baaz Muhammad Davarning xabar berişiça, Suriyadan qoçib çiqib ketgan xorijiy jangarilar viloyatda noyabr oyida paydo bölişgan. Ular orasida tojikistonlik ikki ayol va tarjimon ham bor.
Davarning sözlariga köra, Darzobda payqalgan xorijiy jangarilar, ehtimol, IŞIDning Afğoniston va Pokistonda harakatlanuvçi bölinmasi «Xuroson viloyati» a'zolari sanaladi.
Darzob aholisining AFP’ga xabar berişiça, taxminan 200 nafar xorijlik Bibi Maryam qişloğidan unça uzoq bölmagan joyda maşğulot lagerini taşkil etişgan. Mahalliy fuqarolardan birining xabar berişiça, lagerda turli millatdagi jangarilar maşq olib boradi, ularning bari harbiy kiyimni kiyib olgan.
Eslatib ötamiz, avvalroq Juzjon hukumati IŞID safiga yoşlar jalb etilayotgani haqida xabar bergandi. Hisob-kitoblarga köra, Afğonistonning Turkmaniston bilan çegarasida joylaşgan viloyatda IŞID terrorçilik guruhi jangarilarini öqitişning yaşirin markazlari faoliyat körsatmoqda, ularda taxminan 300 nafar yoşlar tayyorgarlikdan ötmoqda.
