«Ovsar». Mediamagnat Merdok Trampdan darg‘azab bo‘lgan - OAV

Mediamagnat Rupert Merdok AQSh prezidenti Donald Trampni «ovsar» deb atagan. Bu Qo‘shma Shtatlar yetakchisining immigratsiya siyosati bo‘yicha fikrlari bilan bog‘liq, deb xabar bermoqda The Guardian Merdokning biografi Maykl Volf tomonidan yozilgan hamda Oq uydagi nizolarga bag‘ishlangan kitobga tayangan holda.

Muallif Trampning texnologik kompaniyalar rahbarlari bilan o‘tgan yilgi uchrashuvini tilga olgan. Eng asosiy masalalardan biri xorijlik iste'dodli shaxslarni texnik kompaniyalarga jalb etishda qo‘llaniladigan viza berishni cheklash imkoniyatiga tegishli edi.

Merdok telefon orqali muloqotda Trampdan uchrashuv yakunlari bilan qiziqqan hamda xorijliklar uchun ushbu vizalarni berish tartibi soddalashtirilishi lozimligini aytgan, Tramp esa shunday javob qaytargan: «Biz o‘zimiz hal qilamiz». Mediamagnat go‘shakni qo‘yganidan so‘ng, u Trampni «esi past ovsar» deb atadi, deya yozadi kitob muallifi.

Eslatib o‘tamiz, avvalroq OAV Trampning Merdok bilan har haftalik suhbatlari haqida xabar bergandi. Ta'kidlanishicha, davlat rahbari hamda 21st Century Fox va News Corporation mediaholdinglari rahbari o‘rtasida yaqin hamda chuqur munosabatlar o‘rnatilgan.