Shimoliy Koreya yetakchisi 34 yoshni qarshiladi

8 yanvarda Shimoliy Koreya yetakchisi Kim Chen In 34 yoshga to‘ldi. Bu haqda Janubiy Koreyaning Yonhap axborot agentligi xabar bermoqda. Biroq Shimoliy Koreyada bu kun eslanmaydi, vaholanki davlatning sobiq rahbarlari – Kim Chen Inning bobosi Kim Ir Sen va otasi Kim Chen Irning tavallud kunlari davlat bayramlari sifatida nishonlab kelinadi.

Bundan tashqari, Kim Chen Inning tug‘ilgan sanasi (1984 yil 8 yanvar) va yoshi Shimoliy Koreyada yodga olinmaydi.  

Biroq OAVning ta'kidlashicha, 2014 yilda amerikalik basketbolchi Dennis Rodman Shimoliy Koreyaga tashrifi vaqtida aynan 8 yanvarda Pxenyanda Kim Chen In ishtirokidagi basketbol uchrashuvida unga “Happy Birthday” (Tug‘ilganing kuning bilan) qo‘shig‘ini kuylab bergan.

Kim Chen In hokimiyatni otasining o‘limidan keyin 2011 yil dekabrda egallagan. Shimoliy Koreyadagi an'anaga ko‘ra, rahbariyat siyosiy yo‘nalish uzluksiz davom etishi uchun otadan o‘g‘ilga o‘tishi kerak.