Turkiya YeIning to‘rt davlatidagi islomofobiyani tekshiruvdan o‘tkazadi

Turkiya parlamenti Yevropa ittifoqiga a'zo bo‘lgan to‘rt mamlakatda islomofobiya bilan bog‘liq vaziyatni tekshiruvdan o‘tkazish uchun komissiya tashkil qildi. Bu haqda RIA «Novosti» Belga agentligiga tayangan holda xabar bermoqda.

Gap Avstriya, Germaniya, Fransiya va Belgiya haqida bormoqda. Ta'kidlanishicha, bu mamlakatlarda, turkiyalik amaldorlarning fikricha, islomofobiya aniq ko‘rinishga ega hamda ko‘p uchraydi.

Komissiya o‘z ishini 9 yanvar kuni boshlaydi. Turkiya hukumatining umid bildirishicha, bu davlatlar hodisalar yuz bergan joyning o‘zida tekshiruv o‘tkazishga ruxsat beradi.

Avvalroq Vengriya bosh vaziri Viktor Orban Yevropaga kelayotgan qochqinlarni “musulmon bosqinchilari” deb atagandi va uning davlati kelgusida muhojirlarni qabul qilishni istamasligini aytgandi.