162 йўловчини ўз ичига олган самолёт Қора денгизга қулашига оз қолди
18:20 / 14.01.2018
47163
Фото: arabnews.com

Туркиянинг Трабзон шаҳрида 162 нафар йўловчини ўз ичига олган самолёт учиш-қўниш йўлагидан ташқарига чиқиб кетди ва денгизга қулашига бир бахя қолди. Anadolu агентлигининг хабар беришича, ҳозирга келиб ҳаво кемаси ўз фаолиятини тиклаган.

ОАВда тақдим этилган суратларда самолётнинг Қора денгизга қулашига оз қолганини кўриш мумкин.

Воқеа Pegasus авиакомпаниясига тегишли Boeing 737-800 самолётининг қўниш вақтида рўй берган. Самолёт бортидаги 162 йўловчи, 2 учувчи ва 4 экипаж аъзоси   эвакуация қилинган. Маълумотларга кўра, жабрланганлар йўқ.

Қутқарув хизматлари эҳтимолий ёнғин ўчоқларини ўчиришга доир хатти-ҳаракатларни амалга оширишди. Фавқулодда ҳолат сабаблари ўрганилмоқда.

Фото: arabnews.com
Фото: arabnews.com
Фото: arabnews.com

Улашинг
Top