Jahon | 00:45 / 18.01.2018
19318
1 daqiqa o‘qiladi

AQSh hududiga qulagan meteorit kichik zilzila keltirib chiqardi

Foto: Videodan kadr

AQShning Michigan shtatiga tushgan meteorit 2 magnitudali zilzila keltirib chiqardi. Bu haqda The Weather Network ma'lum qildi.

Meteoritning yerga tushishi osmonda yorqin chaqnoq va gumburlagan ovoz bilan kechgan.

AQSh meteorologik xizmati meteorit Detroytdan 65 km uzoqlikda joylashgan Nyu-Xeyven shahri yaqiniga tushganini tasdiqlagan.

AQShning meteoritlarni o‘rganish jamiyati ma'lumotlariga ko‘ra, AQShning 6 ta shtati va Kanadaning ba'zi hududlari aholisi meteorit tushishining guvohi bo‘lganlar.

NASA Michiganga tushgan meteoritni o‘rganayotganini ma'lum qilgan. Koinot agentligi bunday hodisalar juda kam yuz berishini va u shtat uchun “ulkan voqea” bo‘lganini aytgan.

Mavzuga oid