Aprelga qadar Surxondaryoga qo‘shimcha 62 ming dona suyultirilgan gaz balloni yetkazib beriladi

2018 yil birinchi choragida Surxondaryo viloyatida yashovchi aholiga 62 ming dona suyultirilgan gaz ballonlari yetkazilishi ma'lum qilindi. Bu haqda Kun.uz muxbiri xabar beradi.

Ma'lum qilinishicha, aholi turmush darajasi va tabiiy gaz iste'moliga bo‘lgan yuqori talabni inobatga olib, joriy yilda Surxondaryo viloyatini 62 ming dona qo‘shimcha suyultirilgan gaz ballonlari bilan ta'minlash rejalashtirilgandi. Shunga qaramay, ushbu vazifani 2018 yil birinchi choragida yakunlash haqida topshiriq berilgan.

Eslatib o‘tamiz, bundan avval, viloyatning Sherobod tumanida yashovchi aholi gaz ballon yetishmasligi va o‘z vaqtida ko‘rsatilmayotgan xizmatdan aziyat chekishi haqida maqola e'lon qilingandi.