Angliyaning «Vest Hem Yunayted» klubi sobiq bosh murabbiyi Slaven Bilich Qozog‘iston terma jamoasini boshqarishi mumkin. Bu haqda Kazfootball nashri xabar tarqatdi.
Manba bergan xabarga ko‘ra, xorvatiyalik mutaxassisning agentlari Qozog‘iston futbol federatsiyasi vakillari kelgusidagi hamkorlik bo‘yicha muzokaralar olib bormoqda.
Gap Bilich bilan tuziladigan 2 yillik shartnoma borasida bormoqda. 49 yoshli mutaxassis terma jamoani Yevropa chempionatiga olib chiqish uchun urinib ko‘rishi kerak bo‘ladi. Hozircha bu borada boshqa xabarlar tarqatilmagan.
Bilich «Vest Hem» bosh murabbiyi sifatida 2015 yildan 2017 yilga qadar ish olib borgan, shundan so‘ng yomon natijalari sabab iste'foga chiqarilgandi.
Eslatib o‘tamiz, O‘zbekiston futbol federatsiyasi ham dekabr oyida e'lon qilgan xabarida Slaven Bilich bilan muzokaralar olib borilayotganini xabar qilgandi. Shundan so‘ng bu borada boshqa ma'lumotlar berilmagan.
