Poroshenkoga tegishli bo‘lgan zavod Rossiya mulkiga o‘tkazildi

Ordjonikidze nomidagi Sevastopol dengiz zavodi Rossiya federal mulkiga o‘tdi. Bu haqda RIA «Novosti» RF hukumati farmoyishiga tayangan holda xabar bermoqda.

«Qrim federal okrugi tashkilotlari yuklamasini oshirish hamda rivojlantirish bo‘yicha samarali ishlarni tashkil etish maqsadida, imzolangan farmoyish bilan «Sergo Ordjonikidze nomidagi Sevastopol dengiz zavodi» DUKni Sevastopol shahri mulkidan federal mulkka o‘tkazish haqidagi qaror tasdiqlandi. U Rossiya Sanoat va savdo vazirligiga tegishli bo‘ladi», - deyiladi xabarda.

Avval ushbu zavod Ukraina prezidenti Pyotr Poroshenkoga tegishli bo‘lgan. 2015 yilda korxona Rossiya hukumati tomonidan Sevastopol foydasiga o‘tkazilgan.