Angliya kubogi. Chorak finalning dastlabki ishtirokchilari aniq bo‘ldi

Angliya kubogining 1/8 finalidan o‘rin olgan dastlabki uchrashuvlar bo‘lib o‘tdi. Unda APLning ikki vakili quyi liga jamoalariga qarshi maydonga tushdi.

«Chelsi» «Hall Siti»ni uyida qabul qilib, yirik hisobda g‘alaba qozondi. Jamoa o‘yin taqdirini birinchi bo‘limdayoq hal qildi. Villianning dubli, Pedroning goli va Olive Jiruning «Chelsi»dagi ilk goli evaziga Konte shogirdlari yirik 4:0 hisobida g‘alaba qozondi.

Shuningdek yana bir uchrashuvda «Lester» «Sheffild Yunayted»ni qabul qilib, Jyeymi Vardining yagona goli evaziga g‘alaba qozonib chorak final yo‘llanmasiga ega chiqdi. Nimchorak finalning qolgan uchrashuvlari bugun, ertaga va dushanba kuni bo‘lib o‘tadi.

Angliya kubogi
1/8 final

Chelsi – Hall 4:0 (4:0)
Gollar: 1:0 – 2 Villian, 2:0 – 27 Pedro, 3:0 – 32 Villian, 4:0 – 42 Jiru.
Chelsi: Kabalero, Dzappakosta, Keyxill, Ryudiger, Emerson, Fabregas (Skott, 62), Ampadu, Villian, Drinkuoter, Pedro (Xadson-Odoi, 46), Jiru (Morata, 70).
Hall: Marshall, Douson, Klark, Makdonald, Irvayn (Betti, 88), Meyler, Uilson (Toral, 55), Evandro, Styuart, Diko (Kempbell, 72), Diomande.
Ogohlantirishlar: Styuart (33), Skott (82), Irvayn (86).

Lester – Sheffild Yunayted 1:0 (0:0)
Gol: Vardi (66).
Lester: Shmeyxel, Morgan, Chiluell, Simpson, Maguayr, Grey, Iborra, Ndidi, Marez (Djyeyms, 90), Ixeanacho, Vardi (Olbrayton, 84).
Sheffild Yunayted: Blekmen, O`Konnell, Rayt (Evans, 76), Stivens, Lafferti, Landstrem, Bashem, Karruters (Daffi, 76), Boldok, Donaldson, Uilson (Bruks, 46).