Bishkekda Ginnes rekordlar kitobiga kirish uchun 1000 kilogrammlik beshbarmoq tayyorlanadi

Qirg‘iziston poytaxti Bishkekdagi Ala-Too maydonida 4 mart kuni «Men qirg‘izman» birinchi festivali bo‘lib o‘tadi, u Oq qalpoq kuniga bag‘ishlanadi. Bu haqda «Qirg‘iz tilekteshtigi» jamoat birlashmasidan ma'lum qilishgan.

Festival dasturiga milliy kiyimlardagi 200 kishi ishtirokida bo‘lib o‘tadigan bayramona parad ham kiritilgan.

Shuningdek, Qirg‘iziston barcha qabilalarining 40 vakili Ginnesning rekordlar kitobiga kiritilishi rejalashtirilgan 1000 kg beshbarmoq milliy taomini tayyorlash bo‘yicha tadbirda ishtirok etadi.

Kutilishicha, tadbirga mamlakat bosh vaziri, Jogorku Kenesh spikeri, Bishkek shahri hokimi va elchilar tashrif buyuradi.