Dushanbeda O‘zbekiston-Tojikiston biznes-forumi bo‘lib o‘tadi

Tojikiston va O‘zbekiston ishbilarmon doiralarining biznes-forumi shu yilning mart oyi birinchi yarmida Dushanbe shahrida bo‘lib o‘tadi, deb xabar qilmoqda tojik OAV.

Forumda tojik va o‘zbek biznesining yetakchi vakillari ishtirok etishi kutilmoqda. Biznes-forum doirasida shartnomalar imzolanadi, kelishuvlarga erishiladi.

Mart oyining birinchi o‘n kunligida O‘zbekiston prezidenti Shavkat Mirziyoyevning Tojikistonga davlat tashrifi kutilmoqda, unda hamkorlik to‘g‘risida qator hujjatlar imzolanadi.

Statistik ma'lumotlarga ko‘ra Tojikiston va O‘zbekiston o‘rtasidagi tovar ayirboshlash hajmi 2017 yilda 126 million dollarni tashkil etdi. Ularning 69 millioni O‘zbekistondan tovarlar importi va O‘zbekistonga 57 million dollarlik eksportdir.