Aqto‘beda avtobus ishtirokida YTH, O‘zbekiston fuqarolari jabrlandi

Qozog‘istonning Aqto‘be oblastidagi Samara-Chimkent avtomobil yo‘lida mikroavtobus ag‘darilib ketdi, deya xabar qilishgan viloyat ichki ishlar departamenti matbuot xizmatidan.

«Yo‘l-transport hodisasi oqibatida yetti yo‘lovchi – O‘zbekiston Respublikasi fuqarolari turli tan jarohatlari bilan Xromtau shahri markaziy tuman shifoxonasiga olib ketildi. Avtobus salonida 25 yo‘lovchi bo‘lgan», - deya xabarni keltiradi RIA Novosti.

Ro‘y bergan hodisa yuzasidan «Transport vositasini boshqaruvchi shaxs tomonidan yo‘l harakati yoki transport vositalaridan foydalanish qoidalarining buzilishi» moddasi bilan sudga qadar surishtiruv qo‘zg‘atildi.