Britaniyalik fazogir odamlar Marsga qachon qo‘na olishlari mumkinligini aytdi

Britaniyalik fazogir Tip Pikning fikricha, insonlar Marsga 20 yildan keyin qo‘na oladilar.

Uning aytishicha, bunda koinot sohasida faoliyat yurituvchi xususiy kompaniyalar muhim rol o‘ynaydilar. Fazogirning ta'kidlashicha, SpaceX kompaniyasi tomonidan yaqinda amalga oshirilgan Falcon Heavy raketasi parvozi koinotni zabt etishdagi yangi davrni boshlab berdi.

Pik Oy yaqinida stansiya (Deep Space Gateway) yaratish loyihasi koinotni tadqiq qilish masalasida hal qiluvchi bo‘lishiga ishonch bildirdi.

“Biz koinotni zabt etishning yangi davriga kirmoqdamiz. Fikrimcha, odamlarning Marsga qo‘nishi 2030-yillar oxirida yuz beradi”, deb aytgan fazogir. 

Pik MKS-46/47 koinot ekspeditsiyalarida ishtirok etgan. U Xalqaro koinot stansiyasida 186 kun faoliyat yuritgan.