18:33 / 27.02.2018
4221

Ozarboyjonda Aliyev prezidentlik saylovlariga nomzod sifatida ro‘yxatga olindi

Foto: RIA "Novosti"

Ozarboyjon Markaziy saylov komissiyasi amaldagi davlat rahbari Ilhom Aliyevni navbatdan tashqari prezidentlik saylovlariga nomzod sifatida ro‘yxatga oldi. Saylovlar 11 aprelga belgilangan, deb xabar bermoqda RIA Novosti.

Avvalroq Ozarboyjon Markaziy saylov komissiyasi amaldagi prezident va yana 14 kishini nomzodlar sifatida ilgari surilishini tasdiqladi. Aliyev nomzodini “Yangi Ozarboyjon” partiyasi ilgari surdi. Shu bilan birga, qator muxolifat partiyalar, xususan, “Milliy kengash”, “Xalq fronti partiyasi” va “Musavat” saylovlar boykot etilishini ma'lum qildi. Saylovoldi kampaniyasi 19 martda boshlanadi va 10 aprelda yakunlanadi.

Ozarboyjon Markaziy saylov komissiyasining seshanba kungi yig‘ilishida Aliyevni prezidentlik saylovlariga ro‘yxatga olish masalasi ko‘rib chiqildi. Komissiya a'zolari bir ovozdan “ha” deyishgan.

Top